Segue a bo ritmo a construción en vivo da maqueta do Beagle no Museo do Mar de Galicia. Neste momento xa case está rematado o casco, e o bauprés posto no seu sitio.
Aqueles que non poden achegarse ao Museo do Mar de Galicia poden seguir os progresos da construción da maqueta do Beagle no web ModelismoNaval.com.
Peródicamente o seu administrador sube fotografías e videos do traballo do carpinteiro Paco Fra na exposición Navegando no Beagle. Darwin.
(Foto Joaquín Yarza)

O vindeiro venres 12 de febreiro ás 19:00 da tarde en Cambados, nos locais da Federación, imos facer unha asamblea informativa.
O obxectivo desta asamblea é o de mellorar entre os socios e directivos das asociacións o coñecemento de cómo funciona a FGCMF e que traballos se están a realizar en beneficio de tódolos colectivos asociados.
Lembrade que sobre todo interesa que acudan a esta reunión as persoas que non van ás asembleas e non teñen contacto coa Federación
Esta asamblea vai dirixida aos Colectivos da banda sur da ría, posteriormente faranse outras similares noutras zonas ata abarcar toda a costa.

O Faiado da Memoria cumple un ano de vida. Xa falamos anteriormente desta meritoria iniciativa que para celebrar o seu aniversario acaba de subir ao seu web moitas fotografías e o video que vedes arriba.
O video mostra o ambiente da praia de Compostela en Vilagarcia nos anos 30, e entre outras cousas podedes ver botes, galeóns, canoas, balandros ou lanchas de motor.

O pasado día 26 tivo lugar na Capitanía de Baiona unha presentación do Grupo de Acción Costeira Ría de Vigo - A Guarda.
Nesta presentación xunto cos alcaldes de Baiona e Nigrán e o persoal do GAC intervíu Victor Fernández, presidente da FGMCF, para explicar a importancia do patrimonio marítimo, as súas posibilidades como motor económico, e as actividades que está a levar adiante os colectivos que forman a FGCMF.

Os Grupos de Acción Costeira son asociacións de carácter local constituídas polas organizacións do sector pesqueiro, marisqueiro e acuícola, das organizacións sociais, medioambientais, culturais,... do sector empresarial e polas administracións locais, que tén como obxectivo desenvolver un proxecto no marco do programa.

Os proxectos intentarán o fomento de actividades económicas alternativas, como as actividades turístico-pesqueiras (nas que hai que actuar para facilitar a súa posta en marcha e funcionamento por parte das organizacións pesqueiras) e a potenciación das políticas coordinadas sobre turismo e medio natural, así como outras actividades que permitan a diversificación do sector, a mellora dos sistemas que promovan a igualdade de oportunidades entre mulleres e homes e a promoción da pluriactividade dos pescadores, así como desenvolver diversas colaboracións científicas e a creación de liñas específicas de I+D+i orientadas á diversificación das actividades económicas que partan das propias zonas en declive.

Na edición de Arousa da Voz de Galicia aparece unha entrevista con Julio Pousa, propietario da velería de Cornazo.
Tamén na edición do Barbanza da Voz atopamos unha entrevista con Juan Pérez Martínez «Xandomar», con motivo da presentación do seu libro Antiga dorna polbeira de Castiñeiras.

Segue a campaña para que se acepte unha enmenda na futura «Ley General de Navegación Marítima» que recoñeza ás embarcacións tradicionais e históricas.
Pronto se vai reunir a Comisión de Justicia do Congreso dos Deputados para tratar este tema e cantos máis apoios se teñan máis posibilidades haberá de que se acepte.
Neste momento son moitos os colectivos e institucións de toda España que enviaron o seu apoio, pero ainda precisamos máis apoios individuais.
Se cres que a enmenda é necesaria escribe a enmiendalgnm@gmail.com co seguinte texto:

Por el presente documento, (NOME APELIDOS E NUMERO DE DNI) manifiesta su pleno apoyo a la enmienda al Proyecto de Ley General de Navegación Marítima que contempla la introducción de una disposición adicional titulada «Protección del Patrimonio marítimo flotante. Estatuto jurídico de las embarcaciones históricas y tradicionales». Con ello se pretende que dichas embarcaciones se rijan por una legislación específica que garantice su protección y su uso, y contribuir a la protección de nuestro patrimonio marítimo flotante, en línea con otros países de nuestro entorno.

LUGAR DE RESIDENCIA E DATA.

Non se responderá aos correos nin se gardarán datos despois da presentación da enmenda.

A foto de arriba está sacada en Castelo de Neiva, perto de Viana do Castelo. O seu autor é Paulo Alegria, fotógrafo que ten un interesante blog e que tamén puxo en Flickr unha galeria de fotos feitas no mesmo lugar.

Convócase a todas as persoas que traballen, teñan relación ou simplemente teñán interese na educación a participar nun grupo de traballo sobre Educación, mar e rios. Preténdese crear un lugar no que os interesados poidan contactar entre eles e intercambiar información e materiais sobre o mar e os rios co obxectivo de divulgar aspectos da Cultura Maritima e Fluvial nos centros educativos.
En función da resposta verase que sistema se usará para crear este grupo, que se quere teña autonomía para organizarse como os seus membros mellor consideren.
Se estás interesado en participar escribe a mar.rios.escola@gmail.com

Dentro da súa serie Profesionaliza a túa lingua o Servizo de Normalización Lingüistica da Universidade da Coruña publicou hai xa algún tempo a obra Construcción naval. Recolle termos en español acompañados da sua tradución ao galego e a súa definición.