Acaba de sair o novo volume da Revista de Estudos Miñoranos, correspondente aos números 7/8/9 e que entre outros inclue dous interesantes artigos: Intervención arqueolóxica subacuática, ampliación do peirao de porto de Baiona, Pontevedra de Miguel San Claudio Santa Cruz e Raúl González Gallero, e Notas etnohistóricas sobre o aproveitamento do argazo na costa suroeste de Pontevedra (de Silleiro ao Miño) de Roberto Rodríguez Álvarez.

Organiza: C.N. San Vicente e Amigos da Dorna Meca

Organiza: A. Calmoseira

O Concello de Moaña vai intentar convertir duas carpinterias de ribeira sen actividade industrial en Museo da Carpintería de Ribeira.
Unha das instalacións é a que usa Sueste para os Campamentos de verán, e en principio o alcalde pretende integrar a asociación no proxecto de Museo.

Onte, xoves 25 de febreiro, o pleno do Concello do Grove aprobou por unanimidade a Moción de apoio á enmenda á «Ley General de Navegación Marítima».
No texto desta moción traballaron Antón Mascato, Concelleiro de Patrimonio, Dionisio Pereira, historiador, e Víctor Fernández, presidente da FGCMF.
Esperemos que o Concello do Grove abra o camiño a outros concellos e institucións no apoio á enmenda e na defensa do patrimonio marítimo.
Seguimos recollendo apoios.

(Foto TodoGrove.com)

A Demarcación de Costas, dependente da Dirección General de Sostenibilidad de la Costa y del Mar (Ministerio de Medio Ambiente y Medio Rural y Marino) acaba de dar dous meses de prazo á Dirección Xeral de Patrimonio da Consellería de Cultura para que determine se o Estaleiro de Purro, en Bueu, é un ben inventariable ou merecente doutro tipo de protección. Caso de que pase o prazo e non sexa obxecto de protección será derrubado.

Membros da Xunta Directiva da FGCMF mantiveron o pasado venres unha reunión cos Galos de Bueu e coa directora do Museo Masso para recabar información sobre a situación do estaleiro e prantexar actuacións para lograr a protección desta instalación única en Galicia.
Parece que é necesario un último esforzo para salvar este estaleiro, que puido sobrevivir ata aquí polo traballo feito polos Galos nestes anos e que agora precisa o apoio de todos.

Cando noutras partes de España se laian de que xa non teñen carpinterías de ribeira, ou cando noutros sitios se asume a importancia deste tipo de instalacións, como en Malaga ou Pasaia, aquí ainda hai xente que só ve nelas ruinas. Por sorte tamén hai outros grupos, como Anduxía, que apoian a recuperación de Purro.

Organiza: Lajareu por Barlovento

Organiza: Lajareu por Barlovento

O Forum Esposendense acaba de crear o Centro de Mergulho e Ecologia Marinha con páxina no Facebook.
Aproveitamos para recomendarvos unha visita ao sitio do Forum, onde atoparades información e fotografías sobre os seus barcos: a replica da catraia Santa Maria dos Anjos, e os barcos de salvamento Patrão Rabumba e Patrão Lopes/Rio Cávado.